Штогод адзін з гарадоў нашай краіны атрымлівае статус “культурная сталіца Беларусі”. Гэта традыцыя вядзецца з 2010 года, і з таго часу ганаровы тытул надаваўся некаторым нашым гарадам, якія маюць славутую гісторыю, прыгожую архітэктуру, самабытную культуру.

Культурнай сталіцай 2023 года названы Слуцк. На ўвесь наступны год Слуцк стане сапраўдным цэнтрам культурнага жыцця краіны. Тут будуць ладзіцца шматлікія выставы, канцэрты, тэатральныя паказы, фестывалі і іншыя цікавыя мерапрыемствы.